Ciniawau Mawr y gorffennol

Ers 2009, un diwrnod yn ystod yr haf, bydd cymdogion ar hyd a lled y wlad yn cynnal partïon stryd, barbeciws, digwyddiadau cymunedol ac aduniad syml i nodi'r Cinio Mawr. Dyma rai o uchafbwyntiau'r pedair blynedd gyntaf...

 

Dydd Sul 3ydd Mehefin 2012

Am flwyddyn gyda 8.5 miliwn o bobl yn cymryd rhan yng Nghinio Mawr 2012!

Cynhaliwyd Cinio Mawr ym mhob twll a chornel o'r DU: o Ynys Lewis yn yr Hebrides i Ynys Wyth yn Hampshire, o Gastell Hillsborough yn Swydd Down i Great Yarmouth yn Norfolk i Truro yng Nghernyw.

O ganlyniad, byddai 97% ohonoch yn argymell y Cinio Mawr i'ch teulu a 72% yn dweud mai'r agwedd fwyaf llwyddiannus oedd y 'teimlad cryf o gymuned'.

• Daeth y Sgowtiaid yn ffrindiau gorau i ni gan ymddangos y tu mewn i giatiau Palas Buckingham gyda Barbara Windsor, ar y Giants Causeway yng Ngogledd Iwerddon, ar ynys Tuvalu fel rhan o Ginio Mawr y Jiwbilî i 100 o Sgowtiaid ac yng Nghinio Mawr y Jiwbilî'r prif weinidog David Cameron yn Rhif 10.
• Crëwyd 457.2 metr o fynting gan Ysgol Thomas Eaton yn Wimblington ar gyfer eu Cinio Mawr nhw
• O doriad gwawr hyd fachlud haul, bu pobl o 70 o wledydd ar draws y byd yn cymryd rhan mewn Cinio Mawr
• Roedd hyd yn oed ein ffrindiau pedair coes yn cymryd rhan mewn Cinio Mawr y Jiwbilî yng Nghartref Cwn a Chathod Battersea.
• Ar y diwrnod, roedd tîm y Cinio Mawr wrthi fel lladd nadroedd yn mynychu ciniawau, yn rhoi cyfweliadau ac yn croesawu gwesteion arbennig fel Tywysog Cymru a Duges Cernyw, Dug Efrog a'i ferched y Dywysoges Beatrice a'r Dywysoges Eugenie mewn ciniawau yn Llundain.

Roedd cymaint yn digwydd, darllenwch am yr uchafbwyntiau am y flwyddyn fwyaf eto yma.

Dydd Sul 5ed Mehefin 2011

Yn 2011 ymunodd tua dwy filiwn o bobl gyda'r Cinio Mawr.

Roedd digwyddiadau ledled y DU yn amrywio o draeth yn yr Alban i orsaf dan yn Swydd Stafford.

Clywyd am bob math o gemau annisgwyl yn cael eu chwarae, fel ras nionyn ar lwy, cerdded ar stilts a thynnu rhaff traddodiadol.

Bu enwogion yn ymddangos mewn ciniawau, gan gynnwys y gantores o Lerpwl Liz McClarnon fu mewn Cinio Mawr fel rhan o wobr cystadleuaeth. Aeth Boris Johnson a Barbara Windsor, Llysgennad Swyddogol Partion Stryd Llundain, i Ginio Mawr yn Hackney, a beirniadu cystadleuaeth gwneud cacen.

Unwaith eto, roedd pobl yn dweud bod y diwrnod wedi gwneud gwahaniaeth mawr, gyda:

• 89% yn dweud ei fod wedi tynnu cenedlaethau at ei gilydd
• 84% yn dweud ei fod wedi gwneud iddynt deimlo'n well am eu cymdogaeth
• 74% yn creu cyfeillgarwch newydd gan obeithio y bydd yn tyfu ymhellach

Gwylio uchafbwyntiau'r Cinio Mawr 2011

 

Dydd Sul 18fed Gorffennaf 2010

Daeth tua miliwn o bobl i ymuno yn yr ail Ginio Mawr, a chlywyd am ddigwyddiadau yn Ynysoedd y Shetland ac yn Awstralia!

Defnyddiodd nifer o bobl y Cinio Mawr er mwyn creu newid cadarnhaol:

• Bu un cinio yn Glasgow yn codi arian i Oxfam, drwy gynnal cyfnewid dillad ar y diwrnod.
  
• Yn Kings Heath, Birmingham, trefnodd y preswylwyr y digwyddiad er mwyn i bobl deimlo'n ddiogel unwaith eto ar ôl cyfres o danau bwriadol yn yr ardal.
• Mewn pabell fawr i'r Cinio Mawr yn Middlesbrough Mela, daeth pobl o bob cred at ei gilydd i rannu bwyd.
  

Dywedodd 74% o'r rhai fu'n cymryd rhan wrthym eu bod wedi cynnal Cinio Mawr oherwydd eu bod am ddod i adnabod eu cymdogion yn well. Ar ôl hynny, dywedodd 94% eu bod yn teimlo'n nes atynt.

Gwylio uchafbwyntiau'r Cinio Mawr 2010

 

Dydd Sul 19eg Gorffennaf 2009

Yn ystod y Cinio Mawr cyntaf erioed, daeth bron i filiwn o bobl ar draws y wlad i gymryd rhan. Aeth pob cymdogaeth ati yn eu ffordd eu hunain:

• Yn Walthamstow, Llundain cynhaliwyd parti stryd ar thema glan y môr gyda choed palmwydd, pyllau tywod a phyllau dwr.
• Trefnodd grŵp celf cymunedol barti stryd mawr i bobl Toxteth, ardal yng nghanol dinas Lerpwl.
• Cynhaliodd pobl Garstang, Tref Masnach Deg gyntaf Prydain, Cinio Mawr ar yr un pryd a chymuned ffermio cocoa yn Ghana, a grŵp yn yr UD.
• Ymunodd trigolion Caergybi a'r Cinio Mawr ar bont y 'Celtic Gateway'.

Wedyn, dywedodd tri o bob pump o bobl wrthym eu bod wedi cyfarfod ffrindiau newydd, ac roedd pedwar o bob pump o bobl yn teimlo bod y digwyddiad wedi cael effaith gadarnhaol ar eu cymuned.

Gwylio uchafbwyntiau'r Cinio Mawr 2009