Pam gychwynnon ni hyn

Fe gychwynnodd Prosiect Eden Y Cinio Mawr oherwydd y gred ein bod ni, fel cymdeithas, yn fwy abl i wynebu sialensiau a ddaw i'n rhan wrth i ni eu hwynebu gyda'n gilydd.

Ers cychwyn y digwyddiad yn 2009, mae miloedd o Giniawau Mawr wedi cael eu cynnal ym mhob math o gymunedau ac mae tua miliwn o bobl wedi cymryd rhan bob blwyddyn. Disgwylir i nifer fwy nag erioed gymryd rhan ledled y wlad yn 2011.

Y meddylfryd y tu ôl i'r Cinio Mawr.

Mae'r Cinio Mawr yn seiliedig ar gred y gall y byd fod yn well lle wrth i bobl gydweithio, gyda natur, optimistiaeth a synnwyr cyffredin.

• Rydym yn gwybod pan fydd pobl yn dod at ei gilydd, ein bod ni'n fwy cadarnhaol ac yn cychwyn mynd i'r afael â materion difrifol.
• Drwy gael hwyl gyda rhai o'n cymdogion ar ddiwrnod o haf, gallwn ffurfio cyfeillgarwch newydd y gallwn ei mwynhau am weddill y flwyddyn.
• Mae'r Cinio Mawr yn gyfle i gymdogion o wahanol genedlaethau a chefndiroedd wrando ar y naill a'r llall a rhannu straeon, sgiliau a diddordebau. Rydym yn galw'r profiad hwn yn 'gynhesu dynol'.

Edrychwch ar y fideo isod am rai enghreifftiau o bethau da a ddaeth o'r Cinio Mawr yn 2009.

Trowch arwahanrwydd cymdeithasol yn hen hanes

Mae nifer ohonom yn y DU yn byw bywydau unig, a gall Y Cinio Mawr fod yn esgus gwych i fynd allan a chyfarfod y bobl sy'n rhannu stryd, ffordd, stad neu floc o fflatiau gyda ni.

Ystadegau ar arwahanrwydd cymdeithasol

Nid yw'r ystadegau'n bleserus i'w darllen ond os ydym am eu newid, mae'n rhaid edrych arnynt:

• Dwy filiwn yn fwy o gartrefi person sengl erbyn 2019.
• Mwy o getos cyfoethog, tlawd ac ethnig nag erioed o'r blaen.
• Gostyngiad blynyddol o 7% mewn ymddiriedaeth rhwng cymdogion ers 2003-05.
• Ymddiriedaeth gymdeithasol yn y DU wedi ei hanneru a bellach mae ymysg yr isaf yn Ewrop

Pam mae angen i ni ddod at ein gilydd

Efallai eich bod yn meddwl mai parti stryd yw'r peth olaf i'w wneud er mwyn mynd i'r afael â throseddu, trais yn y cartref, digartrefedd neu dlodi plant. Ond gall fod yn fan cychwyn i wynebu materion pwysig, fel y gŵyr nifer a gymrodd ran yn Y Cinio Mawr y llynedd.